Félag íslenskra flugumferðarstjóra hefur lýst yfir stuðningi við Landssamband slökkviliðs- og sjúkraflutningamanna í kjarabaráttu þeirra. Þetta kemur fram í tilkynningu frá flugumferðarstjórum í morgun. Þar segir að Slökkviliðs- og sjúkraflutningamenn gegni afar mikilvægu hlutverki í öryggis-og heilbrigðiskerfi landsmanna. Þeir neyðist að óbreyttu til þess að grípa til verkfallsvopnsins á föstudaginn kemur, með ófyrirsjáanlegum afleiðingum.

Flugumferðarstjórar hvetja launanefnd sveitarfélaga til að ganga þegar í stað til samninga við slökkviliðs- og sjúkraflutningamenn. og axla þannig ábyrgð sína á þeirri stöðu sem kjaradeilan er komin í.

Nú hefur kjarasamningur FÍF verið uppfærður á vefnum undir Handbók > Kjaramál. Sömuleiðis hefur launatafla og röðun í launaflokka verið sett þar inn. Athugið að til þess að geta séð þessar upplýsingar þurfa notendur að skrá sig inn hér til vinstri.

Ágætu félagsmenn

Stjórn FÍF vill benda félagsmönnum á að í kafla 2.6 í kjarasamningi félagsins eru sérstakar heimildir vegna sérstakra aðstæðna og vegna truflana á starfsemi vegna ytri aðstæðna. Isavia er þannig heimilt að bregða frá ítrustu reglum um hvíldartíma, þó ekki meiri en um getur í ofangreindri grein kjarasamningsins. Félagið hefur rætt þessi mál við yfirmenn og telur það rétt mat að þær aðstæður sem nú eru uppi vegna náttúruhamfarana í Eyjafjallajökli valdi því að þessar reglur eigi við. . Félagsmönnum skal jafnframt bent á að huga vel að hvíld sinni og tryggja að þeir séu nægjanlega vel hvíldir til að geta sinnt starfi sínu af öryggi.

Stjórnin

Kjarasamningur sem samninganefnd FÍF undirritaði 23. apríl sl við  SA, fh Flugstoða ohf og Keflavíkurflugvallar ohf, og samninganefnd ríkisins, fh Flugmálastjórnar Íslands, hefur verið samþykktur.

Já sögðu 57%.

Nei sögðu 43%

Kosningaþáttaka var 75,3%

Atkvæðagreiðsla um nýgerðan kjarasamning FÍF við SA, fh Flugstoða ohf og Keflavíkurflugvallar ohf, er hafin og stendur fram til kl. 12:00 föstudaginn 30. apríl.

Samninganefnd FÍF undirritaði nú rétt í þessu kjarasamning við SA, fh Flugstoða ohf og Keflavíkurflugvallar ohf, og samninganefnd ríkisins, fh Flugmálastjórnar Íslands.

Kynningarfundur verður haldinn mánudaginn 26. apríl nk klukkan 20:00 í sal BSRB að Grettisgötu 89.

Sameiginleg yfirlýsing Flugvirkjafélags Íslands og FÍF sem birtist í heilsíðuauglýsingu í Fréttablaðinu má lesa hér. 

Loftur Jóhannsson formaður samninganefndar félagsins skrifaði sama dag fróðlega grein um verkfallsréttinn sem birtist í Fréttablaðinu undir heitinu ‘Vægi Stjórnarskrárinnar’.

Atkvæðagreiðslu um boðun yfirvinnubanns sem verkfallsaðgerð lauk klukkan 20 í kvöld.  Niðustaða verður kynnt í byrjun næstu viku en næsti samningafundur hefur verið boðaður mánudaginn 19. apríl nk.

Síðasti dagur til að greiða atkvæði um yfirvinnubann er á mánudaginn frá klukkan 16 til 20.  Lokað verður um helgina.