Á aðalfundi félagsins nú í kvöld var kjöri stjórnar lýst, Hlín Hólm var kosin formaður, Davíð Hansson og Ottó Eiríksson voru kosnir stjórnarmenn, Sigmar Ólafsson og Einar Gunnar Karlsson voru kosnir varamenn.  Stjórnin kynnti nýjar úthlutunarreglur sjúkrasjóðs, útfararstyrkur var hækkaður í 200.000 og ákveðið hefur verið að greiða árlega styrk til heilsueflingar til félagsmanna.  Upphæðin verður endurskoðuð árlega á aðalfundi og greidd út 1. mars.  Þar sem lög sjóðsins segja til um þriggja mánaða fyrirvara á breytingum á úthlutunarreglum þá verður umræddur styrkur greiddur út þann 1. júní í ár og upphæðin var ákveðin 20.000. 

Einar Gunnar Karlsson hefur lýst yfir áhuga á að starfa fyrir félagið og býður sig fram til varamanns í stjórn FÍF.

Aðalfundur FÍF árið 2005 verður haldinn í félagsheimili FÍF, Borgartúni 28, mánudaginn 28. febrúar kl. 20:00. 

12. grein laga FÍF:  Aðalfundur

Aðalfund skal halda í febrúarmánuði ár hvert og boða með skriflegri tilkynningu á vinnustöðum með minnst fimmtán daga fyrirvara. Aðalfundur er löglegur ef löglega er til hans boðað.

Störf aðalfundar eru:

a) Skýrsla félagsstjórnar um störf á liðnu ári.

b) Skýrslur nefnda.

c) Endurskoðaðir reikningar síðasta árs lagðir fram til samþykktar.

d) Lagabreytingar, enda hafi tillögur um þær borist stjórn félagsins fyrir 10. janúar og verið kynntar félagsmönnum með kjörgögnum.

e) Talin atkvæði og lýst kjöri stjórnar og tveggja varamanna.

f) Kosning trúnaðarráðs og tveggja skoðunarmanna ársreikninga.

g) Ákvörðun styrkja úr sjúkrasjóði og kostnaðargreiðslur til stjórnar.

h) Önnur mál.

Hindsight 

Öryggisfréttabréf frá Eurocontrol

Smellið hér

Stjórn FÍF ákvað að bjóða félagsmönnum sínum upp á passamyndatöku þeim að kostnaðarlausu hjá Ásmynd, Hraunbæ 119 Reykjavík.  Bent er á að starfsmenn hringi á undan sér og bóki tíma svo allt megi ganga snurðulaust fyrir sig en síminn er 586-8001.  Teknar verða nokkrar stafrænar myndir og svo valdar tvær bestu.  Hver félagsmaður fær 4 passamyndir til eigin nota en FÍF fær afrit til þess að setja inn á heimasíðuna þar sem þær flestar eru vel komnar til ára sinna.  Eins og er þá er heimasíðan okkar www.iceatca.com ennþá opin fyrir öllum en mjög fljótlega verður sett upp aðgangsstýring fyrir allt það sem er undir “Handbók”.  Vinsamlegast athugið hvort upplýsingar um ykkur séu réttar í “Félagaskrá” og ef einhver villa er sendið þá póst á sjarmi@caa.is

Nú styttist í aðalfund FÍF en þá verður kosið í nýja stjórn.  Vitað er að Hlín býður sig fram til áframhaldandi formennsku, Ottó og Davíð til stjórnar og Sigmar til varamanns.  Einar Hilmarsson hefur ákveðið að gefa ekki kost á sér sem varamaður að þessu sinni.