Ekki vinnufriður í flugstjórn

Vefstjóri FÍF | 9. júní 2006 | 15:46

Formanni FÍF hefur verið afhent bréf þar sem aðalvarðstjórar í flugstjórn „hvetja stjórnendur Flugmálastjórnar Íslands og stjórn FÍF eindregið til þess að hefja nú þegar viðræður til að koma á vinnufriði í flugstjórn.“

Undir bréfið skrifa:

Árni Baldursson, Guðmundur Haraldsson, Jón Gunnlaugsson, Jón Árni Þórisson, Þórdís Sigurðardóttir, Hörður Arelíusson, Bergþór N. Bergþórsson.

 

Það er skilningur formanns að flugmálastjóra hafi verið afhent samskonar bréf. Fram kemur einnig að afrit hafi verið sent til Ásgeirs Pálssonar, framkvæmdastjóra flugumferðarsviðs og Helga Björnssonar, deildarstjóra flugstjórnardeildar. Þá mun afrit einnig liggja frammi í flugstjórn.

 

Stjórn FÍF fagna þessu frumkvæði aðalvarðstjóranna og lýsir því yfir að hún sé, nú eins og endranær, tilbúin til viðræðna við Flugmálastjórn.

Flokkar
Fréttir

Félagsdómur

Vefstjóri FÍF | 9. júní 2006 | 11:29

    Málflutningur verður í Félagsdómi kl 14:00 á mánudag, 12. júní. Þinghaldið verður sennilega í sal 101 og er öllum opið.  Stjórn FÍF skorar á sem flesta að mæta!!!!

Flokkar
Fréttir

Lífeyrisgreiðslur

Vefstjóri FÍF | 7. júní 2006 | 18:33

    Nýtt launakerfi tók gildi 1. maí 2006. LSR hefur ekki getað gengið frá launagreiðslum til lífeyrisþega samkvæmt þessu kerfi vegna þess að greinargerðir bárust ekki frá launagreiðendum, Flugmálastjórn Íslands og Flugmálastjórn á Keflavíkurflugvelli. Þessar greinargerðir hafa nú borist til sjóðsins og er verið að vinna í greiðslum. Þær munu berast í þessum mánuði.

Flokkar
Fréttir

Félagsdómur

Vefstjóri FÍF | 6. júní 2006 | 12:21

    Ákveðið var í Félagsdómi í morgun að aðalmeðferð í máli FÍF gegn fjármálaráðherra vegna einhliða breytinga á vaktakerfum í flugstjórnarmiðstöðinni fari fram mánudaginn 12. júní.
Niðurstaða liggur fyrir í kæru ríkislögmanns til Hæstaréttar en málinu var vísað af sjálfsdáðum frá Hæstarétti þar sem kæruheimild var ekki fyrir hendi.

Lesa má dóm Hæstaréttar sem og  úrskurð Félagsdóms á eftirfarandi tengli.
http://www.haestirettur.is/domar?nr=3944

Flokkar
Fréttir