Á félagsfundi 22. júní 2009 var eftirfarandi ályktun samþykkt:

Reykjavík 22. júní 2009

Félagsfundur í Félagi íslenskra flugumferðarstjóra skorar á stjórn félagsins að hafna alfarið öllum hugmyndum Keflavíkurflugvallar ohf. um að koma á einhverskonar skuldbindingum vegna náms félagsmanna FÍF. Félagsfundur hvetur jafnframt Keflavíkurflugvöll ohf. að bjóða núverandi félagsmenn velkomna til náms án allra skuldbindinga.

Samþykkt á félagsfundi þann 22. júní 2009.

Stjórn FÍF mun fylgja þessari ályktun og hvetur alla félagsmenn að gera hið sama.

Ágætu félagsmenn.

FÍF hefur verið aðili að ITF (International Transport Federation) undanfarin ár. Þetta er stéttarfélag aðila í flutningsgeiranum. Það eru starfræktar ýmsar deildir þar sem sjá um ólíkar hliðar flutningsbransans, þar á meðal málefni flugumferðarstjóra. Stjórn FÍF telur að við höfum ekki fengið það mikið út úr aðild að ITF til að réttlæta það að vera þar áfram. Hins vegar teljum við nauðsynlegt að vera í alþjóðlegu stéttarfélagi flugumferðarstjóra. Innan Evrópu eru starfrækt tvö stéttarfélög flugumferðarstjóra, ETF og ATC-EUC. Aðild að ITF kostar FÍF 1200 pund á ári. Lesa meira »