Félagsfundur FÍF verður haldinn í sal BSRB, Grettisgötu 89, þann 7. janúar 2010 klukkan 2000.

Efni:

1. Staða kjarasamningsviðræðna.

2. Önnur mál.

Kveðja

Stjórn FÍF

Guðmundur Karl Einarsson hefur tekið að sér að sjá um vef félagsins. Þeim félagsmönnum sem vantar aðgang að vefnum er bent á að hafa samband við hann á netfang gk (hjá) iceatca.com.

Stjórn FÍF þakkar fráfarandi vefstjóra, Sigmari Ólafssyni, fyrir hans störf.

Félag íslenskra flugumferðarstjóra (FÍF) lýsir áhyggjum af afleiðingum atgervisflótta sem brostinn er á í atvinnugreininni. Á skömmum tíma hafa 9 af alls 64 flugumferðarstjórum, sem starfa dagsdaglega við flugumferðarstjórn hérlendis, sagt upp störfum og haldið utan til starfa.
Enn fleiri úr þessum hópi kanna málið eða hafa nú þegar sótt um starf við flugumferðarstjórn erlendis. Fastlega má því gera ráð fyrir að enn fleiri flugumferðarstjórar flytjist af landi brott á næstu mánuðum.

Það segir sína sögu um ástæður atgervisflóttans að hæstlaunuðustu flugumferðarstjórarnir á Íslandi ná ekki byrjunarlaunum starfssystkina sinna annars staðar á Norðurlöndum. Þá eru dæmi um að íslenskir flugumferðarstjórar fjórfaldi útborguð laun sín með því að ráða sig í vinnu erlendis.

Samhæfð menntun flugumferðarstjóra um allan heim auðveldar þeim að fá vinnu utan heimalandsins, jafnvel í öðrum heimshlutum. Íslensku flugumferðarstjórarnir, sem eru þegar farnir eða íhuga að fara, eru að jafnaði með tólf ára starfsaldur. Þeir eru því afar reyndir fagmenn og mjög eftirsóttir, enda skortir flugumferðarstjóra víða um heim.

Ágætu félagsmenn.
Spjallborðið er nú orðið virkt. Það eru komnir nýjir spjallkorkar, meðal annars fyrir skiptivaktir sem og keypt og selt. Félagsmenn eru hvattir til þess að kynna sér nýja virkni spjallborðsins.