Sameiginlegur fundur Félags Íslenskra Flugumerðastjóra, Félags Flugmálastarfsmanna Ríkisins og SFR stéttafélags í almannaþjónustu verður haldinn í BSRB húsinu að Grettisgötu 89 miðvikudaginn 2 mars kl 17:00

Fundarefni: Dómur Héraðsdóms Reykjanes 9. feb. 2011
BSRB/Isavia Kynferðisbrot | Miskabætur

Dagskrá:

1. Sonja Sonja Ýr Þorbergsdóttir Lögfræðingur BSRB fer yfir mál BSRB gegn Isavia.
2. Sonja Ýr og Elín Björg svara fyrirspurnum.

ATH. fyrirhugað er að rúta fari frá KEF á fundarstað kl. 16:00 Nánar auglýst síðar.

Nú er staðfest að nýsjálenskur flugumferðarstjóri, Jillian Murphy, lést í jarðskjálfanum í Christchurch á Nýja Sjálandi. Þetta kemur fram í tilkynningu sem barst frá NZALPA (The New Zealand Air Line Pilots’ Association).

Jillian starfði lengi hjá Airways sem flugumferðarstjóri, bæði í flugturninum í Christchurch og einnig í Tauranga. Henni er lýst, af samstarfsmönnum, sem einstaklega skemmtilegri og hláturmildri konu og verður sárt saknað af samstarfsfólki sem og fjölskyldu. Jillian lætur eftir sig sambýlismann og tvö börn.

Félag íslenskra flugumferðarstjóra sendir fjölskyldu Jillian og samstarfsfélögum samúðarkveðju á þessum erfiðu tímum.

Nú er búið að setja ársreikninga félagssjóðs og orlofssjóðs inn á síðuna.  Félagsmenn þurfa að vera innskráðir til að geta skoðað reikningana.  Við hvetjum svo alla til að mæta á aðalfundinn fimmtudaginn 24.febrúar nk. kl. 20:00.

Kveðja,
Stjórn FÍF

Aðalfundur Félags íslenskra flugumferðarstjóra verður haldinn 24. febrúar nk. klukkan 20:00 í sal BSRB að Grettisgötu 89.  Kosningar til stjórnar verða rafrænar og auglýstar síðar.

Dagskrá:

1.  Skýrsla stjórnar um störf á liðnu ári
2.  Skýrslur nefnda
3.  Endurskoðaðir reikningar síðasta árs lagðir fram til samþykktar
4.  Lagabreytingar
5.  Talin atkvæði og lýst kjöri stjórnar og tveggja varamanna
6.  Kosning trúnaðarráðs og tveggja skoðunarmanna ársreikninga
7.  Ákvörðun styrkja úr sjúkrasjóði og kostnaðargreiðslur til stjórnar
8.  Önnur mál

 Stjórnin

Góðir félagar.

Þá liggja niðurstöður kosninga fyrir:

Yfirvinnubannið taki til eftirfarandi tímabila sólarhringsins:

• kl. 20:00 – 24:00 mánudaga – föstudaga
• kl. 00:00 – 07:00 mánudaga – föstudaga
• kl. 00:00 – 24:00 laugard., sunnud. og sérstaka frídaga

Yfirvinnubannið hefjist 14. febrúar 2011 og standi ótímabundið eða þar til að nýr kjarasamningur hefur verið samþykktur.

Þjálfunarbannið taki til nemaþjálfunar samkvæmt 3. gr. kjarasamnings FÍF og SA/Flugstoða/fjármálaráðherra, dags. 27. júní 2008.

Þjálfunarbannið hefjist 21. febrúar 2011 og standi ótímabundið eða þar til að nýr kjarasamningur hefur verið samþykktur.

Yfirvinnubann hefst 14. febrúar.  Þjálfunarbann hefst 21. febrúar.

Fh. stjórnar og trúnaðarráðs
Matthías Einarsson, ritari FÍF.