• Forsida
  • Um félagið
    • Saga félagsins
    • Starfið
  • Tenglar
  • Orlofshús
    • Punktastaða
    • Stuttárbotnar
      • Myndir af Stuttárbotnum
      • Úthlutunardagar
    • Munaðarnes
      • Úthlutunardagar
      • Myndir af Munaðarnesi
    • Úthlutunarreglur og greiðsluupplýsingar
  • Stjórn og nefndir
    • Stjórn
    • Trúnaðarráð
    • Orlofshúsanefnd
    • Tækninefnd
    • Öryggisnefnd
    • Skemmtinefnd
    • Trúnaðarmenn
    • Skoðunarmenn reikninga
    • Vefstjóri
    • Starfsmenntunarsjóður
  • Hafðu samband
  • Vefpóstur

21. Evrópuþing flugumferðarstjóra var haldið í Búkarest 22. til 24. október.

vefstjori | 26. október, 2004 | 16:08

    http://ifatca.org/press/241004.htm

    Athugasemdir
    Comments Off
    -->
    Flokkar
    Fréttir

    Alþjóðlegur dagur flugumferðarstjóra

    Vefstjóri | 20. október, 2004 | 01:57

       

      Alþjóðlegur dagur flugumferðarstjóra 20. okt 2004 (.pdf 48 kB)

      Pistill eftir Hlín Hólm, formann FÍF

      Smellið hér

      Athugasemdir
      Comments Off
      -->
      Flokkar
      Aðsent efni, Fréttir

      20. október, alþjóðlegi flugumferðarstjóradagurinn

      vefstjori | 19. október, 2004 | 16:58

        Í dag er alþjóðlegur dagur flugumferðarstjóra, 20. október 1961 voru Alþjóðasamtök félaga flugumferðarstjóra, IFATCA, stofnuð. Að stofnuninni stóðu 12 félög flugumferðarstjóra, Félag íslenskra flugumferðarstjóra, þar á meðal. Nú eru 128 félög flugumferðarstjóra aðilar að alþjóðasamtökunum.

         

        Flugumferðarstjórn á Íslandi

        Sögu flugumferðarstjórnar á Íslandi má rekja til hernáms Breta, breskir hermenn voru þeir fyrstu sem störfðu við flugumferðarstjórn hér á landi. Í maí árið 1946 tóku Íslendingar við flugumferðarstjórn í flugturninum á Reykjavíkurflugvelli. Í dag telur FÍF rúmlega 120 félagsmenn og starfar stærstur hluti þeirra í flugstjórnarmiðstöðinni á Reykjavíkurflugvelli. Íslenska flugstjórnarsvæðið nær í grófum dráttum frá norðurströnd Skotlands til Norðurpóls og frá vesturströnd Noregs til austurstrandar Kanada; svæðið er alls um fimm milljón ferkílómetrar að stærð. Flugumferðarstjórn fer einnig fram á flugvöllunum í Keflavík, Reykjavík, Akureyri og Vestmannaeyjum. Þá starfa íslenskir flugumferðarstjórar á flugvöllunum í Pristina og Kabúl.

         

        Menntun og starf flugumferðarstjórans

        Menntun flugumferðarstjóra er afar sérhæfð og gerð er krafa um reglulega endurþjálfun. Miklar kröfur eru einnig gerðar um heilsufar flugumferðarstjóra og þeim er gert að hætta störfum við 60 ára aldur. Starf flugumferðarstjórans felst í stuttu máli í því að viðhalda öruggu, skipulögðu og skilvirku flæði flugvéla. Auk þess að starfa í framlínu við flugumferðarstjórn þá sinna flugumferðarstjórar fleiri verkefnum, s.s. kennslu, þróun fluggagnavinnslukerfis og gerð verklagsreglna. Hvert sem verkefnið er, er flugöryggi ætíð efst í huga flugumferðarstjórans.

         

        Ábyrgð starfsins

        Á „góðum degi” eins og við flugumferðarstjórar köllum þá daga þegar flugumferð er mikil, fljúga allt að 140 þúsund farþegar í íslenska flugstjórnarsvæðinu. Á sl. sex mánuðum má áætla að um 13 milljónir flugfarþega hafi notið góðs af þjónustu íslenskra flugumferðarstjóra. Flugumferðarstjórar eru mikilvægur hlekkur í því heildarkerfi sem hefur að markmiði að koma hverri flugvél örugglega frá brottfararstað til lendingarstaðar. Flugumferðarstjórastarfinu fylgir mikil ábyrð og hana tökum við alvarlega. Skemmst er þess að minnast að flugumferðarstjóri var myrtur fyrr á þessu ári. Hann var við störf þegar tvær flugvélar rákust saman yfir Uberlingen, Þýskalandi, í júlí 2002 með hörmulegum afleiðingum. Morðingi flugumferðarstjórans missti ættingja í slysinu. Morðið vakti flugumferðarstjóra svo um munar til vitundar um hugsanlegar afleiðingar starfsins. Rannsókn flugslyssins leiddi í ljós röð atburða (mistaka) þar sem þáttur flugumferðarstjórans var síst stærri en annarra orsakaþátta slyssins. Að gera flugumferðarstjórann einan ábyrgan líkt og hér var gert er óásættanlegt, hvort sem er af almenningi, fjölmiðlum eða yfirvöldum. Þrátt fyrir tilvik sem þetta þá er margt sem gerir starf flugumferðarstjóra eftirsóknarvert enda er það krefjandi, lifandi og spennandi starf. Ég óska flugumferðarstjórum til hamingju með daginn.

         

         

        Hlín Hólm,

        Formaður Félags íslenskra flugumferðarstjóra

         

        Athugasemdir
        Comments Off
        -->
        Flokkar
        Fréttir

        Skýrsla frá Osló 2004

        Vefstjóri | 12. október, 2004 | 01:52

           

           

          Skýrsla ICEATCA á norðurlandaþing í Osló 24-25 sept 2004  (.pdf 209 kB)

          Smelltu hér
          Athugasemdir
          Comments Off
          -->
          Flokkar
          Fréttir

          Tilkynning til trúnaðarráðs

          vefstjori | 4. október, 2004 | 16:26

            Nú er sumarið liðið og tími til að halda áfram þeirri vinnu sem við byrjuðum á í vor.  Trúnaðarráð verður kallað saman í byrjun nóvember, gert er ráð fyrir að þeir vinnuhópar sem settir voru á stofn í vor kynni sína vinnu og í framhaldi af því mun vinna að kröfugerð fyrir komandi kjaraviðræður fara að fullu af stað. Nánari dagsetning síðar, HM

            Athugasemdir
            Comments Off
            -->
            Flokkar
            Fréttir

            Félagsfundur nk. fimmtudagskvöld, 7. október.

            vefstjori | | 16:07
              Athugasemdir
              Comments Off
              -->
              Flokkar
              Fréttir

              50 ára afmæli FÍF í október 2005

              vefstjori | | 16:05

                Ekki er ráð nema í tíma sé tekið!  Að réttu ári liðnu, eða hinn 4. október 2005, munum við fagna 50 ára afmæli Félags íslenskra flugumferðarstjóra.  Á vinnufundi stjórnar í byrjun september var ákveðið að auglýsa eftir fólki í afmælisnefnd, en nefndin mun fá það verkefni að skipuleggja og sjá um afmælisfögnuð félagsins.  Áhugasamir vinsamlegast sendið línu á HM, hlinh@caa.is.

                Athugasemdir
                Comments Off
                -->
                Flokkar
                Fréttir

                Tenglar



                Félag íslenskra flugumferðarstjóra

                Grettisgata 89
                101 Reykjavík
                GSM: 861-0050
                Fax: 525-8309
                iceatca (hjá) iceatca.com

                Innskráning



                • Týnt lykilorð?
                OPEX