Fjármálaráðuneytið, Flugmálastjórn Íslands og Flugmálastjórn á Keflavíkurflugvelli höfðu á mánudag, 24. apríl 2006, samband við stjórn FÍF vegna meintrar  villu í framsetningu launaútreikningsins og óskuðu eftir að FÍF féllist á verulega lækkun á launabreytingum sem fyrirhuguðar eru 1. maí 2006. FÍF lítur svo á að í þessu myndi felast veruleg breyting á gerðum kjarasamningi, sem stjórn og trúnaðarráði væri óheimilt að fallast á enda alls óvíst að hann hefði fengist samþykktur hefði hann verið lagður fyrir félagsmenn í því formi sem gagnaðilinn vill nú færa hann í.

Yfirlýsing FÍF
 http://www.iceatca.com/flugumferd/data/115.pdf

 

Umsóknum um Gullhvamm og Aðalból skal skila gegnum heimasíðu FÍF fyrir miðnætti sunnudaginn 23.apríl 2006.
Bein slóð inn á umsóknareyðublaðið er: http://www.iceatca.com/flugumferd/orlofshus_umsoknir.html

 

Sumartímabilið stendur frá föstudegi 19.maí til föstudags 15.september 2006.  Sótt er um eina viku sem aðalval og allt að 3 vikur til vara.

Úthlutunarvika hefst á föstudegi kl.1600 og lýkur næsta föstudag á eftir kl.1500. 

Verð fyrir viku í Gullhvammi er kr. 15.000,- og Aðalbóli kr. 12.000,-

Við úthlutun er fyrst farið eftir punktastöðu viðkomandi en síðan eftir starfsaldri ef punktastaðan er jöfn.  Punktastöðuna er hægt að skoða á heimasíðu FÍF.  Til að gera það þarf að skrá sig inn undir Handbók og fara í liðinn Orlofshús, Punktastaða.

 

Frekari spurningum skal beint til orlofsnefndar SM, SJ eða LL.

Í síðustu viku kom til tals að FMS og FíF tækju aftur upp viðræður um vaktakerfi í flugstjórn með það fyrir augum að komast að samkomulagi sem allir gætu sætt sig við. Yfirmenn FMS settu þau skilyrði fyrir viðræðunum að formaður FÍF kæmi þar hvergi nærri.

Á aðalvarðstjórafundi í flugstjórn kom fram tillaga frá einum aðalvarðstjóranum um að FMS og FÍF hæfu aftur viðræður til að finna lausn á vaktakerfisvandanum. Tillagan hljóðaði uppá að hvor um sig tilnefndi einn fulltrúa til að fara yfir málin og komast að samkomulagi sem allir gætu sætt sig við. Ennig var lagt til að fulltrúi FMS yrði Jón Árni og fulltrúi FÍF Loftur formaður. Yfirmenn tóku vel í þessa hugmynd að öðru leyti en því að formaður FÍF væri ekki heppilegur fulltrúi FÍF. Ekkert yrði af þessu ef FÍF tilnefndi formanninn sem sinn fulltrúa. Á stjórnarfundi FÍF var samþykkt að taka vel í að hefja viðræður en það yrði að vera á þeim grundvelli að FÍF veldi sjálft sinn fulltrúa. Svo virðist sem ekkert verði af þessum viðræðum vegna skilmála FMS.
Þess má geta að engar viðræður hafa farið fram á milli FMS og FíF eftir að ný stjórn og formaður tók við í febrúar, hvorki um vaktakerfi né annað. Þess vegna vekja þessi skilyrði yfirmanna FMS enn meiri undrun.