Veikum flugumferðarstjóra skipað að vinna

vefstjori | 31. júlí, 2006 | 18:09

    Sá fáheyrði atburður varð í dag að flugumferðarstjóri, sem var veikur heima, var af Flugmálastjórn skipað að mæta þegar í stað til vinnu eftir að trúnaðarlæknir fyrirtækisins hafði metið hann hæfan til að gegna störfum. Viðkomandi starfsmaður kvaðst efast um hæfni sína til að stunda flugumferðarstjórn enda hann slappur og m.a. tekið verkjastillandi lyf. Engu að síður var honum skipað að mæta á vaktina og gerði hann það.

     

    Stjórn Félags íslenskra flugumferðarstjóra vekur athygli á því að hér er um fáheyrð vinnubröð að ræða og mótmælir þessu athæfi harðlega.  Í þessu felist aðdróttanir um að flugumferðarstjórar þykist vera veikir eða nenni ekki að sinna skyldum sínum. Staðreyndin sé sú að af 13 vakthafandi starfsmönnum hafi 2 verið veikir í dag og teljist það vart óeðlilegt hlutfall.

     

    Félagið varar eindregið við afleiðingum þess að veikir starfsmenn séu neyddir til að sinna flugumferðarstjórn. Í því sambandi vill félagið benda á 37. grein laga nr. 60/1998 um loftferðir en þar segir meðal annars að enginn megi stjórna loftferðum eða veita öryggisþjónustu vegna loftferða sé hann vegna sjúkdóms eða þreytu eða annarra líkra orsaka, óhæfur til að rækja starfann á tryggilegan hátt.

     

    Félag íslenskra flugumferðarstjóra harmar að Flugmálastjórn skuli grípa til óyndisúrræða af þessu tagi. Telur félagið þetta fáheyrt í samskiptum starfsmanna og vinnuveitenda og hefur miklar áhyggjur af orðspori íslenskrar flugumferðarstjórnar ef þessi vinnubröð eigi að líðast.

    Athugasemdir
    Comments Off
    -->
    Flokkar
    Fréttir

    Þjónusta við umferð í flugstjórnarmiðstöðinni í Reykjavík takmörkuð vegna manneklu .

    vefstjori | | 13:17

               FÍF hefur sent ráðuneytisstjóra samgönguráðuneytisins eftirfarandi tölvupóst.







      Enn þarf að takmarka þjónustu við umferð vegna manneklu í flugstjórnarmiðstöðinni í Reykjavík.

      FÍF er einnig kunnugt um að starfsmenn eru neyddir til að vinna lengur en vakttími samkvæmt vaktskrá segir til um.

       

      FÍF vísar til orða samgönguráðherra í Blaðinu síðastliðinn laugardag þar sem hann lýsir áhyggjum sínum vegna truflana á þjónustu í flugstjórnarmiðstöðinni í Reykjavík og þeim áhrifum sem það hefur á orðstír Íslendinga. FÍF tekur undir áhyggjur ráðherrans. Það vekur hinsvegar furðu að þrátt fyrir áhyggjur ráðherrans lýsir hann því yfir að ráðuneytið muni ekki skipta sér af málinu. Hætt er við að þeir tveir til þrír millistjórnendur hjá Flugmálastjórn sem ábyrgð bera á þessu vandræðaástandi líti á þessi orð ráðherrans sem grænt ljós til að halda áfram uppteknum hætti, sem felst m.a. í því að neyða starfsmenn til að eyða þegar skertum frítíma sínum á vakt.

       

      Loftur Jóhannsson

      formaður FÍF

       

       

      Athugasemdir
      Comments Off
      -->
      Flokkar
      Fréttir

      Samverutími er ekki vinnutími sem Flugmálastjórn getur ráðstafað að vild sinni.

      vefstjori | 30. júlí, 2006 | 12:27

            

        Í lok vaktar flugumferðarstjóra ber að leysa hann af sé hann í vinnustöðu. Samverutími samkvæmt kjarasamningi FÍF er sá tími sem ætlaður er til þess. Samverutíminn er sá tími sem sá er leystur er af gæti þurft að sitja fram yfir lok vaktar með þeim sem leysir af til þess að setja hann inn í það sem er að gerast þannig að hann geti tekið við vinnustöðunni með eðlilegum hætti. Þetta er það sem í daglegu tali flugumferðarstjóra er kallað „briefing“.

         

        Samverutími er ekki vinnutími sem Flugmálastjórn getur ráðstafað að vild sinni.

        Athugasemdir
        Comments Off
        -->
        Flokkar
        Fréttir

        Framkvæmdastjóri flugumferðarsviðs ítrekar að Flugmálastjórn vilji ekki semja við starfsmenn sína

        vefstjori | 22. júlí, 2006 | 21:13
          Athugasemdir
          Comments Off
          -->
          Flokkar
          Fréttir

          FÍF hefur ekki ekki fengið tilboð um nýtt vaktafyrirkomulag

          vefstjori | 21. júlí, 2006 | 13:32

            Vegna fréttar á heimasíðu samgönguráðuneytisins 20.7.2006 og í Morgunblaðinu í dag, 21.7.2006, hefur FÍF sent frá sér eftirfarandi yfirlýsingu.
             



            Flugumferðarstjórar furða sig á yfirlýsingum Flugmálastjórnar um að þeir hafi hafnað tilboði um nýtt fyrirkomulag vakta í flugstjórnarmiðstöðinni í Reykjavík.  Þeim hafi aldrei verið boðið upp á samninga um breytt vaktafyrirkomulag – þvert á móti hafi Flugmálastjórn lýst því yfir að slíkt sé ekki samningsatriði heldur geti hún einhliða ákveðið vaktafyrirkomulagið. Félagið hafi hins vegar ítrekað boðist til að semja um málið og það tilboð standi enn.

             

            Í mars sl. ákvað Flugmálastjórn einhliða nýtt vaktafyrirkomulag gegn hörðum mótmælum félagsins. Félagið taldi að slíkar breytingar hlytu að vera samningsatriði og ekki viðunandi fyrir starfsfólk að una geðþóttaákvörðunum yfirmanna sinna í þeim efnum. Félagið skoraði á Sturlu Böðvarsson samgönguráðherra að gefa fyrirmæli til Flugmálastjórnar um að hafa fullt samráð við starfsmenn um nýtt fyrirkomulag vakta.  

             

            Grundvallarsjónarmið Félags íslenskra flugumferðarstjóra í þessu máli er það að stjórnendur verði og eigi að hafa samráð við starfsfólk sitt um tilhögun vakta utan hefðbundins dagvinnutíma. Þá geti félagið alls ekki sætt sig við nýtt vaktakerfi sem kveður á um aðeins fjögur helgarfrí á ári enda slíkt engan veginn í samræmi við þá fjölskyldustefnu sem Flugmálastjórn hefur samþykkt.

             

            Félag íslenskra flugumferðarstjóra vill að lokum árétta að það er fyrir sitt leyti tilbúið að setjast niður strax í dag til að semja um nýtt og þá vonandi betra vaktafyrirkomulag en það vaktkerfi sem var við lýði fyrir 16. mars 2006.

             

            Nánari upplýsingar:

            Loftur Jóhannsson,

            formaður Félags íslenskra flugumferðarstjóra,

            sími 861 0050.

            Athugasemdir
            Comments Off
            -->
            Flokkar
            Fréttir

            Yfirlýsing samgönguráðherra vegna áskorunar Félags Íslenskra flugumferðarstjóra um vaktafyrirkomulag í flugstjórnarmiðstöðinni í Reykjavík.

            vefstjori | 17. júlí, 2006 | 19:03

              Í dómi Félagsdóms frá 6. júlí s.l. lagði dómurinn mat á umkvörtunarefni Félags Íslenskra flugumferðarstjóra vegna vaktkerfa og breytinga á þeim m.a. í ljósi ákvæða kjarasamnings milli flugumferðarstjóra og fjármálaráðuneytisins f.h. ríkisins. Dómurinn sem er endanlegur sýknaði ríkið að kröfum félagsins. Samgönguráðuneytið hefur kynnt sér þá niðurstöðu Félagsdóms en sú niðurstaða er fenginn án afskipta ráðuneytisins.

              Ráðuneytið bendir á að markmiðið með breytingum á vaktakerfum flugumferðarstjóra miðar annarsvegar að því að stytta vaktir og hins vegar að því að aðlaga vinnuafls þörf að flugumferðinni og draga með því úr álagi á þjónustuna. Hvorutveggja mikilvæg markmið í bættu öryggi í þessari starfsemi. Fyrir liggur að ítrekað hefur verið reynt að ná sátt um breytt vaktafyrirkomulag án árangurs.

              Samgönguráðherra skorar á aðila málsins að reyna að ná sáttum um fyrirkomulag á vaktakerfunum enda eru sættir besta niðurstaða allra deilna.

              Athugasemdir
              Comments Off
              -->
              Flokkar
              Fréttir

              Flugumferðarstjórar skora á ráðherra að afnema núverandi vaktakerfi í flugstjórnarmiðstöðinni

              vefstjori | 16. júlí, 2006 | 13:17

                   

                Flugumferðarstjórar ítreka mótmæli sín við einhliða ákvörðun Flugmálastjórnar Íslands um nýtt vaktafyrirkomulag í flugstjórnarmiðstöðinni sem tók gildi 16. mars 2006. Félag íslenskra flugumferðarstjóra varaði á sínum tíma við þessum breytingum sem m.a. fólu í sér að flugumferðarstjórar fá fjögur helgarfrí á ári. Reynslan staðfestir því miður að þessi varnaðarorð voru í hæsta máta þörf og tímabær sbr. nýlegt bréf öryggisnefndar FÍF til yfirflugumferðarstjóra þar sem fram kemur það mat að ástandið í flugstjórn sé óviðunandi og geti ógnað flugöryggi.

                 

                Það er svo kapítuli út af fyrir sig að bera saman stjórnsýslu yfirmanna Flugmálastjórnar annars vegar og yfirlýsta starfsmanna- og fjölskyldustefnu Flugmálastjórnar hins vegar. Þar er himinn og haf á milli orða og gjörða. Í orði kveðnu leggur Flugmálastjórn áherslu á góðan starfsanda, tillitssemi í öllum samskiptum manna og viðleitni til að koma eftir föngum til móts við þarfir fjölskyldna starfsmanna sinna. Í verki ganga yfirmenn Flugmálastjórnar hins vegar hart fram í að rjúfa friðinn, stjórna með valdboði og eitra þannig andrúmsloft á vinnustaðnum.

                 

                Ástandið er óviðunandi og engin teikn um að yfirmenn Flugmálastjórnar muni beita sér fyrir breytingum til hins betra. Þar við bætist að Alþingi samþykkti á síðustu  dögum þingsins lög um að nýtt hlutafélag skuli taka við starfsemi í flugstjórnarmiðstöðinni í byrjun árs 2007. Flugumferðarstjórar mótmæltu lagafrumvarpinu og færðu margvísleg rök gegn því. Alþingi virti þau sjónarmið hins vegar að vettugi og samþykkti lögin án umræðu. Í ljósi þessarar lagasetningar, svo og nýgengins dóms Félagsdóms vegna vaktamála, hrýs flugumferðarstjórum hugur við þeirri tilhugsun að vont muni enn versna, enda hafi yfirmönnum Flugmálastjórnar í raun verið selt sjálfdæmi til valdstjórnar með dómnum og lagasetningunni.

                 

                 

                Fundurinn skorar á samgönguráðherra að beita sér fyrir því nú þegar að vaktakerfið verði fellt úr gildi og upp verði tekið það vaktkerfi sem var við lýði fyrir 16. mars 2006. Jafnframt verði yfirmönnum Flugmálastjórnar gefin fyrirmæli um skilyrðislaust samráð við starfsfólk varðandi fyrirkomulag vakta.

                 

                 

                 

                Nánari upplýsingar:

                Loftur Jóhannsson,

                formaður Félags íslenskra flugumferðarstjóra,

                sími 861 0050

                 

                 

                 

                 

                Athugasemdir
                Comments Off
                -->
                Flokkar
                Fréttir

                Fréttir rásar tvö

                vefstjori | 14. júlí, 2006 | 15:18

                              Viðtal við Ásgeir Pálsson framkvæmdastjóra flugumferðarsviðs í fréttum rásar 2 frá 11. júlí síðastliðinn.

                  http://dagskra.ruv.is/streaming/ras1/?file=4257209/7

                  Athugasemdir
                  Comments Off
                  -->
                  Flokkar
                  Fréttir

                  Fréttir rásar 2

                  vefstjori | | 14:03

                       http://dagskra.ruv.is/streaming/ras1/?file=4257209/7

                    Athugasemdir
                    Comments Off
                    -->
                    Flokkar
                    Fréttir

                    vefstjori | | 13:59
                      Athugasemdir
                      Comments Off
                      -->
                      Flokkar
                      Fréttir