Stofnfundur Félags íslenskra flugumferðarstjóra var haldinn þann 4. október 1955. Á þeim fundi voru lög félagsins samþykkt og formleg stofnun fór fram. Síðan þá hefur félagið gætt hagsmuna félagsmanna sem í heildina telja um 200 manns. Af þeim eru rétt rúmlega 100 starfandi í dag. Þeim sem áhuga hafa á að kynna sér frekar sögu félagsins er bent á að út er komið Flugumferðarstjóratal, þar sem saga félagsins er rakin í máli og myndum. Í bókinni eru einnig upplýsingar um alla flugumferðarstjóra á Íslandi fyrr og síðar.

Bókin er rituð af Valdimar Ólafssyni fyrrverandi yfirflugumferðarstjóra og fyrsta formanni FÍF. Bókin er seld í bókabúð Máls & Menningar á Laugarvegi. Áhugasamir geta einnig haft samband í gegnum tölvupóst, arnar.sigurdsson@isavia.is.