Í dag, þann 20 október, er alþjóðlegi flugumferðarstjóradagurinn. Þennan dag árið 1961 voru Evrópusamtök flugumferðarstjóra (EFATCA) stofnuð.

Stofnfundur FÍF var haldinn 4. október 1955. Frá þeim tíma hefur FÍF gætt hagsmuna félagsmanna, meðal annars við gerð kjarasamninga o.fl..

FÍF er í dag meðlimur alþjóðasamtökum flugumferðarstjóra (IFATCA) sem er fagfélag sem vinnur fyrir 50.000 flugumferðarstjóra um allan heim. Það eru 134 samtök aðilar að IFATCA. Alþjóðlegi flugumferðarstjóradagurinn er haldinn til þess að minnast stofnunar EFATCA, sem er í raun undanfari IFATCA.

Einnig er FÍF aðili að ITF (International Transport Federation) sem er stéttarfélag aðila í flutningageiranum.

Umsókn FÍF að ATC-EUC verður tekinn fyrir í nóvember á haustþingi samtakanna. ATC-EUC er stéttarfélag flugumferðarstjóra í Evrópu.

Til þess að halda upp á daginn bíður FÍF félagsmönnum og öðru starfsfólki upp á kökur á vinnustöðum flugumferðarstjóra klukkan 1430.

Stjórn FÍF

Um næstu mánaðarmót verða samningar FÍF lausir. Samninganefnd FÍF hefur hitt samningsaðila á tveim fundum og sá þriðji er að dagskrá í næstu viku.

Kjaramarkmið FÍF er áframhaldandi vinna við að ná þeim viðmiðum sem nefnd eru í réttarstöðunefndarskýrslunni frá 1997 og á þeim markmiðum sem voru fram fyrir kjarasamninginn 2008.

Þegar fer að líða á viðræðurnar mun félagsfundur verða boðaður þar sem farið verður í gang viðræðna og nánar í markmiðin.

Kveðja

Samninganefnd FÍF